Павышэнне дасведчанасці ў галіне інфармацыйнай бяспекі

Паслуга павышэння дасведчанасці ў галіне інфармацыйнай бяспекі - паслуга арганізацыі доступу да інфармацыйных рэсурсаў (паслуга электрасувязі), якая аказваецца на базе платформы ASAP (Automated Security Awareness Platform, далей - Платформа) і прызначаная для правядзення онлайн-навучання карыстальнікаў асновам інфармацыйнай бяспекі. Паслуга ўяўляе сабой онлайн-інструмент, з дапамогай якога заказчык можа сфармаваць і замацаваць у сваіх супрацоўнікаў навыкі бяспечнай працы ў лічбавым асяроддзі.

Паслуга павышэння дасведчанасці ў галіне інфармацыйнай бяспекі прадугледжвае доступ да інфармацыйных рэсурсаў, прызначаных для навучання па наступных тэмах:

1. Ахова пароляў і акаўнтаў. Уключае навучанне правільнаму стварэнню і выкарыстанню асабістых пароляў і акаўнтаў карыстальнікаў.

2. Ахова электроннай пошты. Уключае вывучэнне правілаў бяспекі працы з электроннай поштай.

3. Навучанне бяспечнай працы ў сетцы Інтэрнэт. Уключае навучанне бяспечнай працы з рознымі інфармацыйнымі рэсурсамі сеткі Інтэрнэт.

4. Навучанне бяспечнай працы ў сацыяльных сетках і мессенджэрах. Уключае навучанне бяспечным паводзінам у сацыяльных сетках і мессенджэрах.

5. Ахова персанальных камп’ютараў. Уключае навучанне метадам аховы службовых і асабістых персанальных камп’ютараў.

6. Ахова мабільных прылад. Уключае навучанне метадам абароны прылад, якія выкарыстоўваюць розныя тэхналогіі мабільнай сувязі (смартфонаў, планшэтаў).

Прынцып аказання паслугі заключаецца ў прадастаўленні заказчыку паслугі доступу да Платформы з магчымасцю арганізацыі онлайн-навучання для супрацоўнікаў з тэставаннем атрыманых ведаў.

Працэс правядзення навучання фарміруецца па схеме паслядоўнага праходжання ўрокаў і здачы кантрольных тэстаў. Час праходжання ўрока для карыстальніка складае каля 10 хв. Да завяршэння бягучага ўрока наступны ўрок для карыстальніка не актывуецца.

Урокі створаны ў рэжыме слайдаў, якія змяшчаюць кароткую інфармацыю, выкладзеную ў даступнай форме без прымянення спецыяльных тэрмінаў. Навучанне пабудавана на прыкладах з рэальнай практыкі, выкарыстоўваюцца інтэрактыўныя інструменты (напрыклад, імітацыі фішынгавыя атакі), практыкаванні на замацаванне і праверку.

Пры жаданні карыстальнік можа прапусціць працэс навучання і адразу прайсці тэст па ўроку.

Карыстальнік у рамках паслугі атрымлівае магчымасць:

- праходжання навучання;

- выканання кантрольных тэстаў;

- атрымання справаздач па выніках асабістага навучання.

Больш падрабязна з умовамі аказання паслугі «Павышэнне дасведчанасці ў галіне інфармацыйнай бяспекі» можна азнаёміцца ў Парадку аказання паслугі