Першы крок у развіцці сеткі перадачы даных Рэспублікі Беларусь быў зроблены ў 1992 годзе: у г.Мінску быў устаноўлены першы ў рэспубліцы электронны паштамт, і пачалося прадастаўленне паслугі электроннай пошты па пратаколе UUCP. Быў арганізаваны канал прапускной здольнасцю 19,2 Кбіт/с на маскоўскую кампанію «Релком». Да 1995 года электронныя паштамты былі ўстаноўлены ва ўсіх абласных цэнтрах, паступова пашыраліся пулы дазвонкі для забеспячэння доступу абанентаў да паслугі. У 1996 годзе было закуплена і ўстаноўлена ва ўсіх абласных цэнтрах і 12-ці найбуйнейшых раённых цэнтрах (усяго 18 вузлоў) абсталяванне, якое дазваляе прадастаўляць паслугі не толькі на базе камутаванага доступу, але і па выдзеленых лініях сувязі з хуткасцю да 64 Кбіт/с. Пачалася прапрацоўка пытання доступу Рэспублікі Беларусь да сеткі інтэрнэт. У 1997 годзе на расійскую кампанію «Дэмас» быў арганізаваны канал прапускной здольнасцю 256 Кбіт/с. Пачалося прадастаўленне паслуг доступу да сеткі інтэрнэт. 1997 год - павялічваецца колькасць відаў доступу да сеткі перадачы даных, пералік прадастаўляемых паслуг, прапускная здольнасць знешняга шлюза, удасканальваецца інфраструктура нацыянальнай сеткі перадачы дадзеных РУП «Белтэлекам». Запушчаны камутаваны парольны доступ, паслугі электроннай пошты POP3. Уведзены ў эксплуатацыю паслугі выдзеленага і паўпастаяннага доступу да сеткі інтэрнэт, закліканыя задаволіць патрэбнасць абанентаў у шырокапалосным доступе. 1999 год - арганізавана агульнарэспубліканская сістэма беспарольнага камутаванага доступу да сеткі інтэрнэт. 2002 - уведзены ў эксплуатацыю паслугі доступу ў сетку інтэрнэт па тэхналогіях ADSL і SHDSL. Падзеяй 2006 года стала ўвядзенне новай гандлёвай маркі для паслуг шырокапалоснага доступу ў сетку Інтэрнэт - byfly (www.byfly.by). У 2006-2007 гадах запушчана агульнарэспубліканская сетка MetroEthernet. Яе абсталяванне дазволіла дасягнуць прапускной здольнасці на сетцы перадачы даных у аб'ёме 20Гбит/с на участках Мінск-Абласны цэнтр і 10 Гбіт/с на ўнутрыабласным узроўні. 2007 - масавы прырост абаненцкай базы byfly. У эксплуатацыю ўведзены першыя кропкі доступу па тэхналогіі Wi-Fi. Сетка Wi-Fi актыўна развіваецца ва ўсіх гарадах Беларусі. 2009 - увод у эксплуатацыю сеткі WiMax у г. Мінску. У 2010 годзе пашырана прапускная здольнасць магістральнай сеткі перадачы даных на участках Мінск - Абласны цэнтр да 40Гбит/с. Планамерна павялічвалася колькасць вузлоў сеткі перадачы даных, у тым ліку ў невялікіх населеных пунктах і вёсках. На тарыфным плане byfly «Дамасед» 2 разы на працягу года двойчы расла хуткасць. Абноўлена лінейка тарыфных планаў byfly, палепшана спалучэнне цана/якасць. З'явіўся сацыяльны напрамак, byfly прапанаваў ільготныя тарыфныя планы для грамадзян з абмежаванымі магчымасцямі. У 2011-2012 гадах праведзена поўная мадэрнізацыя цэнтральнага вузла перадачы даных у г.Мінску з выкарыстаннем найноўшага высокатэхналагічнага абсталявання з падтрымкай інтэрфейсаў 100 Гбіт/с, якое дазволіла значна ўзмацніць і павялічыць існуючую ёмістасць ядра сеткі перадачы даных. У перыяд з 2012 года па 1-ы квартал 2013 года праведзены работы па мадэрнізацыі ўнутрыабласных сетак перадачы даных з выкарыстаннем абсталявання DWDM, якое забяспечыла прапускную здольнасць перадачы трафіку на участках Абласны цэнтр-рэгіянальны цэнтр у аб'ёме ад 10 Гбіт/с, што павысіла якасць прадастаўлення існуючых паслуг перадачы даных абанентам РУП "Белтэлекам". У 2013-2014 гадах РУП «Белтэлекам» прадоўжаны работы па мадэрнізацыі ўнутрызонавых сетак перадачы даных з выкарыстаннем абсталявання DWDM, у выніку чаго агульная прапускная здольнасць сетак склала больш за 1,1 Тбіт/с. У 2013 годзе на сетцы перадачы даных, у сувязі з вычарпаннем адраснай прасторы IPv4, укаранёна тэхналогія NAT44. 2014 год - пратакол IPv6 укаранёны на цэнтральным вузле і на магістральным узроўні Мінск-Абласныя цэнтры. 2016 год - выкананы работы па мадэрнізацыі абсталявання, якое забяспечвае прымяненне тэхналогіі NAT44. У 2016-2017 гадах праведзены работы па мадэрнізацыі ўнутрыабласных сетак перадачы даных, пашырана паласа прапускання каналаў у напрамку Мінск-Абласны цэнтр, Абласны цэнтр-рэгіянальны цэнтр. 2017 год - выкананы работы па мадэрнізацыі абсталявання тэрмінацыі (доступу да сеткі інтэрнэт) карыстальніцкіх сесій абанентаў гандлёвых марак byfly і ЯСНА, што дазволіла забяспечыць прадастаўленне больш высакахуткасных тарыфных планаў канчатковым карыстальнікам. Друк
