17 снежня у «Белтэлекаме» прайшоў адзiны дзень беларускай мовы, прымеркаваны да Дня беларускага кiно.
Перад супрацоўнікамі кампаніі выступіў Уладзімір Карачэўскі, генеральны дырэктар РУП «Нацыянальная кінастудыя «Беларусьфільм».
У гэтым годзе кінастудыі споўнілася 95 год. Юбілей яна адзначае стараннай працай і рыхтуецца да гучных прэм’ер. Уладзімір Міхайлавіч нагадаў гісторыю кінастудыі, расказаў пра карціны, якія ўвайшлі ў залаты фонд беларускага кіно. Акрамя гэтага, удзельнікі сустрэчы даведаліся пра сучасныя магчымасці кінастудыі і пра новыя фільмы. Як паведаміў Уладзімір Міхайлавіч, наперадзе - прэзентацыя галоўнага праекта года. Гэта карціна рэжысёра Уладзіміра Янкоўскага «Купала».
Уладзімір Карачэўскі падзякаваў «Белтэлекаму» за супрацоўніцтва з «Беларусьфільмам» - мастацкія фільмы айчыннай вытворчасці рэгулярна з’яўляюцца ў эфіры тэлеканала «ЯСНАе TV».
Творчая сустрэча дазволіла супрацоўнікам кампаніі бліжэй пазнаёміцца з айчыннай кінаіндустрыяй і асаблівасцямі здымачнага працэсу, а таксама даведацца, чым жыве беларускае кіно.
