22 верасня ў актавай зале Міжнароднага цэнтра камутацыі прайшоў фінал адборачнага этапу рэспубліканскага прафсаюзнага маладзёжнага конкурсу «ПрафЛэдзі», прысвечанага Году беларускай жанчыны. У конкурсе прынялі ўдзел 18 таленавітых, актыўных і мэтанакіраваных прадстаўніц галіны сувязі, у іх ліку і супрацоўніцы РУП «Белтэлекам».Удзельніцы прадставілі візітныя карткі на тэму «Наша праца табе, родная Беларусь» і творчыя нумары, прадэманстраваўшы прафесіяналізм, артыстызм і індывідуальнасць.Ганаровым госцем цырымоніі ўзнагароджання стаў першы намеснік Міністра сувязі і інфарматызацыі Рэспублікі Беларусь Павел Ткач. Ён павіншаваў удзельніц і пажадаў ім далейшых поспехаў.Пераможніцай адборачнага этапу стала Марыя Дароцкая, студэнтка Беларускай дзяржаўнай акадэміі сувязі.Нашы дзяўчыны з «Белтэлекам» атрымалі заслужанае прызнанне і сталі ўладальніцамі спецыяльных намінацый:• Анастасія Канюк, Брэсцкі філіял, – «Лэдзі талент»;• Кацярына Алейнікава, Гомельскі філіял, – «Лэдзі зачараванне»;• Аляксандра Піваварчык, Гродзенскі філіял, – «Лэдзі элегантнасць»;• Дар’я Грывіцкая, філіял «Мінская гарадская тэлефонная сетка», – «Лэдзі сімпатый гледачоў»;• Анастасія Міхнюкевіч з галаўнога падраздзялення, – «Лэдзі ўсмешка».• Алена Лаўрыновіч з Віцебскага філіяла годна прадставіла «Белтэлекам» на конкурсе і падарыла гледачам яркае выступленне.Віншуем удзельніц з яркімі выступленнямі і заслужанымі ўзнагародамі! Друк
