Дадатак «Мой Белтэлекам» - зручны інструмент, які дапамагае аддалена кіраваць паслугамі без неабходнасці звяртацца ў сэрвісныя цэнтры і call-цэнтры кампаніі.
Дадатак дазваляе:
сачыць за балансам;
мяняць тарыфныя планы;
падключаць і адключаць дадатковыя паслугі;
адсочваць статыстыку спажывання паслуг;
папаўняць рахунак.
Акрамя таго, у дадатку ёсць функцыянал онлайн-падтрымкі абанентаў, што дазваляе ў аператыўным рэжыме вырашыць усе пытанні.
Для карыстальнікаў, якія аддаюць перавагу працаваць на персанальных камп’ютарах, ёсць web-версия приложения . Таксама для запампоўкі даступныя версии для Android
і iOS.
У web-версіі можна без рэгістрацыі ў дадатку «Мой Белтэлекам» праверыць баланс асабовага рахунку паслугі, увёўшы нумар лагіна і пароль паслугі.
Пры неабходнасці з дапамогай дадатку можна зрабіць абяцаны плацёж на суму да 15 рублёў.
Дадатак «Мой Белтэлекам» даступна на рускай і беларускай мовах. Каб змяніць мову, неабходна ўвайсці ў меню дадатку, затым у раздзел «Настройкі» і выбраць падраздзел «Мова».
З дапамогай сэрвісу можна сачыць за неабмежаванай колькасцю паслуг з аднаго акаўнта. Такім чынам, пры неабходнасці вы можаце кіраваць паслугамі, зарэгістраванымі на вашых сваякоў.
Для ажыццяўлення бяспекі вашага акаўнта ў дадатку «Мой Белтэлекам" рэкамендуем уключыць двухфакторную аўтарызацыю з атрыманнем кода пацверджання па e-mail або ў SMS-паведамленні.
РУП «Белтэлекам» звяртае ўвагу на тое, што ў выпадку няправільнага правядзення аперацый аўтарызацыі ваш рахунак будзе заблакаваны на суткі. Будзьце ўважлівыя пры выкананні аўтарызацыі!
Дадатак «Мой Белтэлекам» увесь час удасканальваецца, каб палепшыць функцыянальнасць і прадаставіць высокі ўзровень сэрвісу.
Як карыстацца дадаткам?
Дадатак «Мой Белтэлекам» неабходна спачатку ўсталяваць на вашу прыладу - з дапамогай Google Play для Android-прылад або App Store для прылад з аперацыйнай сістэмай iOS.
Пры адкрыцці дадатку магчыма яго выкарыстанне ў двух рэжымах: аўтарызаваным і госцевым. Госцевы рэжым мае абмежаваны функцыянал: азнаёміцца з навінамі, тарыфамі, размяшчэннем сэрвісных цэнтраў і пунктаў доступу Wi-Fi.
Каб аўтарызавацца, неабходна ўвесці нумар мабільнага тэлефона, на які будзе адпраўлены код. Для ўстаноўкі і работы дадатку на прыладзе павінен быць актываваны доступ у сетку Інтэрнэт.
Далей патрабуецца ажыццявіць прывязку дзеючых паслуг абанента да створанага акаўнта дадатку. Гэта можна зрабіць двума спосабамі: увесці лагін і пароль кожнай з паслуг або дадаць ўсе паслугі разам па нумары хатняга тэлефона, да якога яны прывязаныя.
Лагін і пароль для першага спосабу можна знайсці ў дагаворы на аказанне паслуг. Для другога варыянту прывязкі ў дыялогавым акне неабходна ўвесці нумар хатняга тэлефона і прозвішча кліента, на якога зарэгістраваны гэты нумар. Калі інфармацыя ўведзена дакладна, на пазначаны нумар тэлефона паступіць уваходны выклік ад аўтаінфарматара, які агучыць код, неабходны для ўводу ў дыялогавым акне дадатку.
Кіраўніцтва карыстальніка можна знайсці тут.
