«Белтэлекам» усталяваў у Горках дзіцячую пляцоўку для актыўных заняткаў спортам і арганізаваў для дзяцей і іх бацькоў «Свята нашага двара разам з «ЯСНА». Спартыўны комплекс стаў падарункам да заканчэння навучальнага года.
Летнія канікулы - любімая пара ўсіх школьнікаў. А каб правесці гэты час на свежым паветры і з карысцю для здароўя, «Белтэлекам» запрасіў усіх рабят на воркуат-пляцоўку.
У апошнія гады гімнастыка пад адкрытым небам, або воркаут, стала папулярным спартовым напрамкам. Такія трэніроўкі даступныя круглы год і дазваляюць кожнаму падтрымліваць выдатную фізічную форму. Як адзначыў Сяргей Самковіч, загадчык сектара спорту і турызму Горацкага райвыканкама, далучацца да спорту важна з ранніх гадоў:
- Заняткі спортам спрыяюць здароваму ладу жыцця. У гэтым мікрараёне пражывае вельмі шмат дзяцей. Упэўнены, на вакацыях воркаут-пляцоўка будзе запатрабаваная з раніцы да вечара. Тут устаноўлены рознаўзроўневыя брусы, спартыўныя лесвіцы, кольцы, лаўкі для практыкаванняў на прэс, комплекс турнікі.
Сямейнае свята аб'яднала дзяцей і дарослых. Магілёўскі філіял РУП «Белтэлекам» падрыхтаваў нямала сюрпрызаў для ўсіх удзельнікаў творчых конкурсаў і віктарын. Навуковае шоў і аквагрым, гульні з аніматарамі і спартыўныя спаборніцтвы прывялі ў захапленне ўсіх прысутных. Падпаленыя вочы, пазітыўныя эмоцыі і вясёлы смех - сведчанні таго, што яшчэ адно «Свята нашага двара разам з «ЯСНА» атрымалася!
«Свята нашага двара разам з «ЯСНА» - рэспубліканская акцыя, распачатая ў 2017 годзе. У рамках праекта кампанія «Белтэлекам» абсталюе дзіцячыя пляцоўкі гульнявымі горкамі і спартыўнымі комплексамі «ЯСНА». За мінулыя гады ў акцыі прынялі ўдзел дзесяткі гарадоў - Добруш, Мсціслаў, Смаргонь, Шклоў, Баранавічы, Фарынава (Полацкі р-н), Бабруйск, Лепель, Светлагорск, Пінск, Жодзіна, Мазыр, Ліда, Слуцк і інш.
l
