РУП «Белтэлекам», вядучы аператар паслуг электрасувязі Беларусі, пяты раз удастоены Прэміі Урада за дасягненні ў галіне якасці. Адпаведнае рашэнне зацверджана Прэзідыумам Савета Міністраў Рэспублікі Беларусь 9 чэрвеня 2025 года.
Гэта прэстыжная дзяржаўная ўзнагарода прысуджаецца за значныя вынікі ў галіне якасці і канкурэнтаздольнасці выпускаемай прадукцыі, паслуг або выкананых работ, укараненне інавацыйных тэхналогій і сучасных метадаў менеджменту.
Сёлета РУП «Белтэлекам» адзначае свой 30-гадовы юбілей, і высокае дзяржаўнае прызнанне стала важным этапам у гісторыі кампаніі. За тры дзесяцігоддзі прадпрыемства стала сапраўдным лакаматывам развіцця сучасных тэхналогій у Беларусі.
На кожным этапе сваёй дзейнасці калектыў факусаваўся на высокай якасці і надзейнасці ўсіх прадастаўляемых паслуг. У ліку далейшых прыярытэтаў прадпрыемства – амбіцыйная задача стварыць лічбавую экасістэму, якая дапаможа абанентам эфектыўна вырашаць свае паўсядзённыя і прафесійныя задачы.
У Год якасці каманда РУП «Белтэлекам» прыклала максімум намаганняў для падрыхтоўкі і ўдзелу ў конкурсе. Гэта дало магчымасць правесці глыбокі аналіз работы ў галіне якасці, вызначыць пункты росту і напрамкі для далейшага ўдасканалення.
Прысуджэнне Прэміі Урада – не проста сведчанне прафесіяналізму, гэта гонар, матывацыя і стымул для ўсіх супрацоўнікаў!
Лаўрэатам Прэміі Урада ўручаюцца дыплом і сімвал прэміі, прадастаўляецца права выкарыстоўваць на працягу трох гадоў выяву эмблемы прэміі пры маркіроўцы прадукцыі і на яе ўпакоўцы, у дакументацыі і ў рэкламных мэтах.
Мы дзякуем усім нашым кліентам і партнёрам за падтрымку і давер! «Белтэлекам» працягне сваю працу па паляпшэнні якасці паслуг і ўкараненні новых тэхналогій, каб заставацца надзейным партнёрам у сучасным лічбавым свеце!
