Галоўны Дзед Мароз краіны - той самы, што жыве ў дрымучай Белавежскай пушчы, штогод сустракае ў сваёй рэзідэнцыі доўгачаканых гасцей з усяго свету. Гэтай зімой навагодняя казка ў рэжыме live з самага сэрца запаведнага лесу стане яшчэ бліжэй дзякуючы беспрэцэдэнтнай акцыі Агенцтва тэленавін Белтэлерадыёкампаніі пры тэхнічнай падтрымцы РУП «Белтэлекам» - «Дзед Мароз Online».
Белавежская пушча - адна з самых знакамітых турыстычных славутасцяў нашай краіны. У снежні дарослыя і дзеці з усяго свету спяшаюцца сюды, каб убачыць Дзеда Мароза і пазнаёміцца з героямі любімых казак, прыняць удзел у святочных забавах, павадзіць карагоды вакол ёлкі і паспрабаваць незвычайныя беларускія стравы.
У гэтым годзе ўпершыню апынуцца ў сядзібе галоўнага Дзеда Мароза краіны можна не выходзячы з хаты.
З 17 снежня па 14 студзеня з раніцы да вечара на сайце медыяхолдынга www.tvr.by будзе ісці онлайн-трансляцыя з рэзідэнцыі Дзеда Мароза ў Белавежскай пушчы. Для гэтага на галоўных лакацыях комплексу спецыялісты кампаніі «Белтэлекам» усталявалі тры вэб-камеры з выверанымі аператарамі АТН відамі на маёнтак Дзеда Мароза, паляны «Беловежка і сем гномаў» і Дванаццаці месяцаў. Кожная з лакацый прапануе шматлікім гасцям рэзідэнцыі розныя запамінальныя актыўнасці, апускае ў самабытны антураж беларускага фальклору. Цяпер паназіраць за ўсім, што адбываецца ў эпіцэнтры беларускай навагодняй казкі, можна ў любым пункце свету - дастаткова толькі выхаду ў Інтэрнэт.
