РУП «Белтэлекам» як нацыянальны аператар электрасувязі забяспечвае важныя для дзяржавы, грамадства, прыватных і карпаратыўных кліентаў тэхналогіі сувязі. Прадпрыемства дынамічна развіваецца і займае лідзіруючыя пазіцыі на беларускім тэлекамунікацыйным рынку.
У 2019 годзе патэнцыял РУП «Белтэлекам» быў накіраваны на развіццё сучаснай тэлекамунікацыйнай інфраструктуры. Працягвалася будаўніцтва валаконна-аптычных сетак на базе тэхналогіі GPON, пашырэнне мультысэрвіснай сеткі, сетак шырокапалоснага доступу ў Інтэрнэт і платнага тэлебачання. За мінулы год прырост абанентаў сеткі GPON склаў 386,7 тыс., а агульная колькасць абанентаў, падключаных да сеткі GPON, дасягнула 2,58 мільёна. У 2019 годзе пабудаваны і ўведзены ў эксплуатацыю 5465,2 км валаконна-аптычных ліній сувязі. Колькасць абанентаў платформы IMS склала 3,37 мільёна, абанентаў шырокапалоснага доступу - 2,653 мільёна, абанентаў тэлебачання ZALA - 2,26 мільёна.
На аснове сеткі GPON карыстальнікам аказваюцца паслугі якасна новага ўзроўню. Нароўні са звыклым наборам - Інтэрнэт, тэлебачанне, тэлефанія - сучасная сетка дазваляе атрымаць цэлы шэраг высокатэхналагічных рашэнняў. Усяго ў партфелі кампаніі сёння прадстаўлены больш за 70 сучасных тэлекамунікацыйных паслуг.
2019-ы быў насычаны падзеямі. Адно з самых яркіх і запамінальных - II Еўрапейскія гульні. Кампанія «Белтэлекам» выступіла Нацыянальным партнёрам міжнародных спаборніцтваў і ганарыцца тым, што стала часткай такога маштабнага спартыўнага свята.
У 2019 годзе «Белтэлекам» падключыў мільённага абанента пакетаў паслуг «ЯСНА». Гэта значнае дасягненне для кампаніі, паказчык якасці і прафесіяналізму працы ўсяго калектыву. Брэнд «ЯСНА» хутка заваяваў прызнанне беларускіх спажыўцоў і стаў адным з самых паспяховых праектаў кампаніі. Сёння ў лінейцы «ЯСНА» прадстаўлены высакахуткасныя пакеты «ЯСНА 100», «ЯСНА 100 SMART» і «ЯСНА 200», вялікай папулярнасцю карыстаюцца «ЯСНА Гульнёвы» і «ЯСНА Гульнёвы SMART» з бонусамі гульні World of Tanks. Усе пакеты ўключаюць паслугі доступу ў Інтэрнэт, безлімітную тэлефанію ў сетцы «Белтэлекам» з паслугай вызначальніка нумара CLIP, а таксама тэлебачанне ZALA па тэхналогіях IPTV або SMART, некаторыя прапановы дапоўнены доступам да грамадскіх пунктаў Wi-Fi РУП «Белтэлекам», эфірным тэлебачаннем або паслугай "Разумны дом".
У верасні 2019 года ўпершыню выйшаў у эфір тэлеканал «ЯСНАе ТV». Увабраўшы ў сябе часціцу сямейнага брэнда «ЯСНА», новы тэлеканал прапанаваў кантэнт для ўсёй сям'і - высокарэйтынгавыя мастацкія фільмы самых розных жанраў, серыялы, захапляльныя спартыўныя спаборніцтвы, у тым ліку па кіберспорце. У кола інтарэсаў тэлеканала таксама ўваходзіць знаёмства аўдыторыі са светам інавацый і сучасных тэхналогій. Творчая каманда «ЯСНАе TV» працуе над развіццём гэтага кірунку.
Асаблівая ўвага у 2019 годзе кампанія надавала рашэнням для развіцця бізнэсу. Карпаратыўным кліентам «Белтэлекам» прапануе шырокі пералік сучасных тэлекамунікацыйных паслуг «пад ключ». Павысіць эфектыўнасць дзейнасці ў любой сферы дапамогуць паслугі «Відэакантроль», «Разумны дом», «Доступ у сетку Інтэрнэт», «Прадастаўленне ў карыстанне сеткі Wi-Fi», «SMS-рассылка» , пакетныя прапановы для юрыдычных асоб лінейкі «Бізнэс-кейс» і інш.
Кампанія паспяхова завяршыла 2019 год. Сваю далейшую задачу мы бачым не толькі ва ўмацаванні пазіцый прадпрыемства на ўнутраным і знешнім рынках, але і ў паскораным развіцці перспектыўных накірункаў ІКТ-сферы. Наша ўвага сфакусавана на праектах, якія ў бліжэйшы час будуць запатрабаваныя лічбавай эканомікай, на ўкараненні рашэнняў на аснове перадавых тэхналогій (сеткі сувязі пятага пакалення 5G, інтэрнэт рэчаў, воблачныя вылічэнні, штучны інтэлект, вялікія даныя і інш). Сумесна з партнёрамі працягнем працу над маштабнымі дзяржаўнымі праектамі: электронная адукацыя, тэлемедыцына, смарт-транспарт, разумны горад і многімі іншымі.
