14 чэрвеня на «Барысаў-Арэне» ў цэнтральным матчы 13 тура Чэмпіянату Беларусі па футболе ў вышэйшай лізе сустрэнуцца лідэры турнірнай табліцы і фаварыты сезону ў барацьбе за чэмпіёнскі тытул - БАТЭ і «Шахцёр».
Каманды знаходзяцца ў выдатнай форме, даўно не ведаюць паражэнняў і, пэўна, парадуюць гледачоў якасным футболам. Барысаўчане маюць намер захаваць першае месца, «гарнякі» вельмі хочуць на яго забрацца. Асобная інтрыга - супраць віцэ-чэмпіёна згуляе лідэр «Шахцёр» Віталь Лісаковіч. У маладога нападаючага 8 галоў у 8 апошніх матчах і рэальны шанец перайсці ў вялікі еўрапейскі клуб.
Прамая трансляцыя пачнецца ў 20.00 на тэлеканале «ЯСНАе TV».
Каментаваць гульню будуць Сяргей Фамінскі і Сяргей Яромка. А ў перапынку і пасля матчу падрабязны аналіз ключавых момантаў дадуць пастаянныя эксперты тэлеканала - спартыўны журналіст Мікалай Хадасевіч і экс-настаўнік БАТЭ Алег Дулуб.
