17-19 снежня ў Мінску пройдуць мерапрыемствы Рэгіянальнай садружнасці ў галіне сувязі.
17 снежня адбудзецца 6-е пасяджэнне Рабочай групы РСС па спадарожнікавых тэхналогіях. 18-19 снежня будзе праходзіць сумеснае 41/37-е пасяджэнне Камісіі РСС па інфакамунікацый і Савета аператараў электрасувязі і інфакамунікацый РСС. У іх працы возьмуць удзел прадстаўнікі РУП "Белтэлекам".
У ходзе сумеснага пасяджэння плануецца разгледзець актуальныя пытанні рэгіянальнага парадку дня. У прыватнасці, будуць абмяркоўвацца перспектыўныя напрамкі дзейнасці аператараў электрасувязі і інфакамунікацый краін РСС. Удзельнікі таксама прааналізуюць падрыхтоўку адміністрацый сувязі РСС да наступных міжнародных форумаў - Сусветнай асамблеі па стандартызацыі электрасувязі 2020 года, Сусветнай канферэнцыі па развіцці электрасувязі 2021 года і інш.
Сумеснае абмеркаванне ключавых тэм дазволіць працягнуць паслядоўную працу па развіцці сферы электрасувязі і інфакамунікацый краін удзельнікаў РСС.
Савет аператараў электрасувязі і інфакамунікацый аб'ядноўвае найбуйнейшыя тэлекамунікацыйныя кампаніі краін удзельнікаў РСС. Асаблівая ўвага Саветам аператараў электрасувязі РСС надаецца пытанням укаранення новых высокатэхналагічных паслуг, павышэнню ўстойлівасці і надзейнасці функцыянавання сетак электрасувязі на міжнародных кірунках, вырашэнню праблемы кіравання якасцю паслуг электрасувязі і інш.
