Адна з цёплых традыцый кампаніі «Белтэлекам» – Калядныя сустрэчы з ветэранамі прадпрыемства. Напярэдадні навагодніх свят на пляцоўцы Міжнароднага цэнтра камутацыі прайшло ўрачыстае мерапрыемства, якое аб'яднала сувязістаў, прафесійнае жыццё якіх было звязана з «Белтэлекамам».
Сустрэча былых калег – гэта радасць зносін і самыя цёплыя эмоцыі, магчымасць абмяняцца навінамі і бясплатна патэлефанаваць сябрам у іншыя гарады. У святочнай фотазоне ўсе ахвочыя маглі зрабіць здымкі на памяць, а пасля ўдзельнікаў запрасілі на канцэртную праграму.
Шчырыя віншаванні з надыходзячымі святамі ветэранам адрасаваў намеснік генеральнага дырэктара па кадрах, бяспецы і рэжыму Андрэй Заліўка і старшыня прафсаюзнай арганізацыі РУП «Белтэлекам» Алена Антульская.
Навагоднія мерапрыемствы для ветэранаў праходзяць ва ўсіх філіялах прадпрыемства. Калегі рыхтуюць яркія праграмы, сустрэчы і душэўныя чаяванні, каб павіншаваць і падзякаваць тым, з кім разам працавалі доўгія гады.
З надыходзячымі Калядамі і Новым годам, дарагія ветэраны! Жадаем вам моцнага здароўя, невычэрпнай энергіі, шчасця і дабрабыту!
