26 чэрвеня, напярэдадні знакавых падзей - Рэспубліканскага бала выпускнікоў і Дня моладзі і студэнцтва, - прайшла сустрэча Міністра сувязі і інфарматызацыі Рэспублікі Беларусь Кірыла Залескага і кіраўнікоў буйнейшых прадпрыемстваў галіны з лепшымі выпускнікамі Беларускай дзяржаўнай акадэміі сувязі.
Мерапрыемства аб’яднала 13 таленавітых студэнтаў, якія за час навучання дасягнулі выдатных вынікаў у навуцы, вучобе і грамадскай дзейнасці.
«Прыемна, што нашых рабят цікавіць самы шырокі спектр пытанняў - ад штучнага інтэлекту і спадарожнікавай сувязі да навуковых даследаванняў. Зусім хутка яны стануць часткай калектываў «Белтэлекама», «Белпошты» і іншых прадпрыемстваў галіны... У іх вачах - столькі запалу, што я ўпэўнены: будучыня нашай галіны - у надзейных руках», - адзначыў міністр.
З паспяховым заканчэннем вучобы выпускнікоў павіншаваў генеральны дырэктар «Белтэлекама» Аляксандр Кенда. «Для нашай кампаніі Акадэмія сувязі - гэта сапраўдная «кузня кадраў». Многія кіраўнікі і вядучыя эксперты прадпрыемства пачыналі свой прафесійны шлях якраз тут. Зусім хутка маладыя спецыялісты пачнуць працаваць, і мы шчыра рады, што нашы рады папоўняць такія таленавітыя і амбіцыйныя рабяты!» - падкрэсліў кіраўнік.
Беларуская дзяржаўная акадэмія сувязі штогод выпускае сотні высакакласных адмыслоўцаў. У гэтым годзе дыпломы аб вышэйшай адукацыі атрымліваюць 365 студэнтаў і магістрантаў, а дыпломы аб сярэдняй спецыяльнай адукацыі - 700 чалавек.
Жадаем усім выпускнікам паспяховага старту ў кар’еры, пастаяннай цікавасці да прафесіі і, вядома, яркіх дасягненняў!
Чакаем маладых калег у камандзе «Белтэлекам»!
