Прадстаўнікі кампаніі «Белтэлекам» прымаюць удзел у семінары Міжнароднага саюза электрасувязі (МСЭ) для краін СНД, які праходзіць у Мінску 28 і 29 лістапада. У цэнтры ўвагі экспертаў – перадавыя тэхналогіі для падтрымкі ўстойлівага, інклюзіўнага і даступнага грамадства.
Мерапрыемства аб'яднала шырокае кола ўдзельнікаў: прадстаўнікоў органаў дзяржаўнага кіравання, міжнародных арганізацый, устаноў адукацыі і навукі, грамадскіх дзеячаў. У праграме – самыя актуальныя тэмы: сацыяльная інтэграцыя і працаўладкаванне асоб з абмежаванымі магчымасцямі, пытанні дзяржаўнай сацыяльнай палітыкі, тэндэнцыі развіцця сучасных тэхналогій і практыка іх выкарыстання і інш.
Адна з найважнейшых задач форуму – знаёмства з практычнымі кейсамі, якія спрыяюць даступнасці ІКТ і лічбавых сэрвісаў для асоб з абмежаванымі магчымасцямі здароўя.
Міністр сувязі і інфарматызацыі Канстанцін Шульган падкрэсліў важнасць выкарыстання новых тэхналогій для пераадолення бар'ераў:
«Не павінна быць абмежаваных магчымасцей. Людзі знаходзяцца ў пэўнай жыццёвай сітуацыі, і гэтая сітуацыя не павінна абмяжоўваць іх удзел у жыцці. Новыя тэхналогіі дапамагаюць прыбіраць межы, сціраць гэтыя абмежаванні».
Міністр таксама адзначыў, што такія семінары павышаюць пісьменнасць як грамадзян, так і чыноўнікаў у выкарыстанні сучасных тэхналогій.
«Белтэлекам» прадстаўляе на семінары мабільны дадатак «Мой горад», які дапамагае палепшыць якасць жыцця грамадзян, робячы гарадское асяроддзе больш даступным. Праект, рэалізаваны Міністэрствам сувязі і інфарматызацыі Беларусі сумесна з РУП «Белтэлекам», паспяхова запушчаны ў лютым 2021 года ў Полацку і на сённяшні дзень ахоплівае 65 беларускіх гарадоў, уключаючы абласныя цэнтры Магілёў і Віцебск. Яшчэ 9 гарадоў рыхтуюцца да запуску дадатку.
«Мой горад» – гэта лічбавая платформа, якая забяспечвае інтэрактыўнае ўзаемадзеянне мясцовых жыхароў з усімі гарадскімі службамі і сэрвісамі. Прыкладанне з простым і зразумелым інтэрфейсам прадаставіла доступ да паслуг дзяржаўных арганізацый, устаноў аховы здароўя і адукацыі, культуры, гандлю, вольнага часу і іншых. З яго дапамогай гараджане могуць запісацца на прыём у выканаўчыя камітэты і іншыя дзяржустановы, задаць пытанні і атрымаць адказы, заказаць паслугі, а таксама пакінуць водгукі і прапановы, што дапамагае паляпшаць якасць паслуг і павышаць узровень камунікацыі паміж гараджанамі і органамі ўлады.
Семінар дасць магчымасць азнаёміцца з канкрэтнымі вынікамі работы па дасягненню Мэт устойлівага развіцця і будзе садзейнічаць стварэнню ўстойлівага, інклюзіўнага і даступнага грамадства.
Семінар арганізаваны Бюро развіцця электрасувязі МСЭ ў партнёрстве з Беларускай дзяржаўнай акадэміяй сувязі, Інстытутам ЮНЕСКА па інфармацыйных тэхналогіях у адукацыі, пры падтрымцы Міністэрства сувязі і інфарматызацыі Рэспублікі Беларусь.
