«Белтэлекам» прыняў актыўны ўдзел у мерапрыемствах, прысвечаных святкаванню 1000-годдзя г. Брэста.
Юбілей маштабна адзначылі на мінулым тыдні. Тры дні горад прымаў віншаванні ад шматлікіх гасцей. Цэнтрам святочных падзей стала пешаходная вуліца Савецкая. Тут размясціліся творчыя лакацыі, кірмашы-продажы і іншыя забавы.
На пляцоўцы каля сэрвіснага цэнтра на Савецкай расчыніў свае дзверы і выставачны павільён «Белтэлекама». Усе ўдзельнікі і госці маглі пазнаёміцца з паслугамі «Разумны дом», «Відэакантроль», магчымасцямі тэлебачання ZALA, лінейкай пакетаў паслуг «ЯСНА», а таксама дадатковымі тэлекамунікацыйнымі сэрвісамі. Спецыялісты Брэсцкага філіяла распавядалі аб новых прадуктах, аб функцыянале і характарыстыках паслуг, знаёмілі з перавагамі пакетных прапаноў.
Свята, падоранае кампаніяй берасцейцам, - гэта выступы маладых музыкаў, вясёлыя аніматары, конкурсы, віктарыны і іншыя актыўнасці. Малых цешыў любімы персанаж Мікі Маўс, старэйшых дзетак прыцягвалі гульнявыя пляцоўкі. Актыўныя ўдзельнікі атрымлівалі прызы.
Кампанія «Белтэлекам» была рада стаць часткай яркага свята. Жадаем гораду росквіту, а яго жыхарам - ўдачы ва ўсіх справах, выдатнага настрою і дабрабыту!
