З 30 кастрычніка па 11 лістапада 2024 года ў Беларусі праходзіць рэспубліканская інфармацыйна-адукацыйная акцыя «Беларусь –энергаэфектыўная краіна». Яна прымеркавана да міжнароднага Дня энергазберажэння, які штогод адзначаецца 11 лістапада.
Мэта правядзення акцыі – павышэнне дасведчанасці насельніцтва аб важнасці эфектыўнага выкарыстання энергарэсурсаў, магчымых спосабах і метадах іх эканоміі, у тым ліку ў паўсядзённым жыцці і ў быце, што з'яўляецца значнай мерай у паляпшэнні дабрабыту грамадзян і эканамічнага росту краіны ў цэлым. У рамках акцыі плануецца правядзенне розных мерапрыемстваў, такіх як круглыя сталы, навучальныя семінары – для спецыялістаў; адкрытыя ўрокі і інфармацыйныя гадзіны, інтэлектуальныя гульні, конкурсы і віктарыны – для дзяцей і моладзі; міні-конкурсы – для падпісчыкаў у сацыяльных сетках; гарачыя тэлефонныя лініі – для адказаў на самыя актуальныя пытанні грамадзян і арганізацый; прэс-мерапрыемствы – для прадстаўнікоў сродкаў масавай інфармацыі.
Мерапрыемствы, якія праводзяцца, накіраваны на прыцягненне ўвагі да пытанняў энергаэфектыўнасці і энергазберажэння, папулярызацыю, у даступнай для шырокага кола грамадзян форме, эканамічных, экалагічных і сацыяльных пераваг энерга- і рэсурсазберагальнага ладу жыцця, умацаванне энергетычнай незалежнасці нашай краіны.
Міжнародны дзень энергазберажэння і акцыі, якія праводзяцца да гэтай падзеі, адыгрываюць важную ролю ў фарміраванні экалагічнай культуры грамадства і садзейнічаюць устойліваму развіццю краіны. Прымаючы да ўвагі, што эфектыўнае і разумнае спажыванне энергарэсурсаў шмат у чым залежыць ад мабілізацыі намаганняў усіх дзяржаўных структур, устаноў, арганізацый і бізнес-супольнасцей, грамадскіх аб'яднанняў, сродкаў масавай інфармацыі, Дэпартамент па энергаэфектыўнасці заклікае далучыцца да рэспубліканскай інфармацыйна-адукацыйнай акцыі «Беларусь – энергаэфектыўная краіна» і прыняць актыўны ўдзел у інфармаванні супрацоўнікаў і грамадства аб важнасці энергаэфектыўнасці і спосабах энергазберажэння ў побыце.
