У жніўні 2019 года ў лясным масіве на беразе ракі Лучоса адбыўся турысцкі злёт Першамайскага раёна г. Віцебска.
У злёце прынялі ўдзел каманды прадпрыемстваў, арганізацый і ўстаноў раёна. Турзлёт аб'яднаў аматараў турызму, людзей, якія вядуць актыўны лад жыцця, займаюцца фізкультурай і спортам.
У рамках турзлёта адбыліся спаборніцтвы па тэхніцы велатурызму, спаборніцтвы па валейболе, турыстычная паласа перашкод, эстафета з арыентаваннем у зададзеным кірунку, інтэлектуальная віктарына, конкурс турыстычных газет, музычны конкурс, а таксама конкурс «Побыт».
На працягу двух дзён каманда Віцебскага філіяла РУП "Белтэлекам" дэманстравала спартыўнае майстэрства, творчую актыўнасць, прыхільнасць да здаровага ладу жыцця і выдатны настрой.
