З 18 чэрвеня па 21 чэрвеня 2024 года ў Магілёве праходзіў рэспубліканскі этап традыцыйнага карпаратыўнага конкурсу прафесійнага майстэрства «Мантаж і эксплуатацыя валаконна-аптычных ліній электрасувязі – 2024».

Сем каманд, якія прадстаўляюць філіялы «Белтэлекама» з усёй краіны, змагаліся за званне лепшых у прафесіі. На працягу трох дзён канкурсанты дэманстравалі свае навыкі ў мантажы абаненцкіх ліній, падключэнні паслуг, пошуку і ўстараненні пашкоджанняў.

Напружаная барацьба разгарнулася на кожным этапе спаборніцтваў. Удзельнікі праявілі не толькі высокі прафесіяналізм, але і творчы падыход у конкурсе, прысвечаным 30-годдзю РУП «Белтэлекам».

Пераможцамі конкурсу «Мантаж і эксплуатацыя ВАЛС – 2024» сталі:

1 месца: каманда Гомельскага філіяла;

2 месца: каманда Гродзенскага філіяла;

3 месца: каманда Мінскага філіяла.

У творчым конкурсе перамогу атрымала каманда Брэсцкага філіяла!

Арганізатары мерапрыемства адзначылі высокі ўзровень падрыхтоўкі ўсіх удзельнікаў і пажадалі ім далейшых поспехаў у рабоце.

Дыпломы і ўзнагароды прызёрам уручыў намеснік генеральнага дырэктара па тэхнічных пытаннях РУП «Белтэлекам» Андрэй Жаркевіч. Андрэй Рамуальдавіч падзякаваў прысутным за ўдзел у конкурсе і пажадаў далейшых прафесійных поспехаў.

Віншуем пераможцаў і дзякуем усім удзельнікам за праяўленае майстэрства, волю да перамогі і адданасць прафесіі!

​

​

​

​

​