14 мая 2020 года "Белтэлекам» перадаў Барысаўскай бальніцы №2 два аўтамабілі - GEELY EMGRAND і LADA Largus.

Уручаючы ключы і пакет дакументаў, дырэктар Мінскага філіяла РУП «Белтэлекам» Андрэй Жаркевіч падзякаваў медыкам за неацэнную працу і выказаў упэўненасць у тым, што ў складаныя часы важна аб'ядноўвацца і ўносіць пасільную дапамогу ў агульную справу.

Ад калектыву работнікаў Барысаўскай бальніцы №2 галоўны ўрач Павел Хацько падзякаваў «Белтэлекам» за аказаную падтрымку:

- Хочам пажадаць усім супрацоўнікам вашай кампаніі здароўя, цікавых ідэй і іх рэалізацыі, новых поспехаў і надзейных партнёраў.

На мерапрыемстве таксама прысутнічалі начальнік Барысаўскага ЗУЭС Андрэй Капытка і дырэктар УП «Мінскаблсантранс» Сяргей Янчанка.

Нагадаем, учора кампанія перадала аўтамабіль ГАЗ 32-212 медыкам Віцебскай абласной клінічнай бальніцы.