У Жлобіне прайшоў рэспубліканскі конкурс прафесійнага майстэрства сярод вадзіцеляў аўтамабіляў РУП «Белтэлекам». Тры насычаныя дні напружанай барацьбы, праверка тэорыі і практыкі ўвянчаліся ўрачыстай цырымоніяй узнагароджання пераможцаў.

Адразу пасля ўрачыстага адкрыцця ўдзельнікі прайшлі жараб'ёўку і прыступілі да выпрабаванняў. Праграма конкурсу ўключала праверку ведаў правілаў дарожнага руху, спаборніцтвы па хуткасным манеўраванні, а таксама экзамен на веданне тэхнічнай эксплуатацыі аўтамабіля. Канцэнтрацыя была максімальнай, бо за рулём сабраліся сапраўдныя прафесіяналы сваёй справы, кожны з якіх быў гатовы даказаць сваё майстэрства.

Па выніках трох дзён спаборніцтваў месцы размеркаваліся наступным чынам.

Камандны залік:

• 1 месца — каманда філіяла МГТС;

• 2 месца — каманда Брэсцкага філіяла;

• 3 месца — каманда Міжнароднага цэнтра камутацыі.

Асабісты залік (легкавы аўтамабіль):

• 1 месца — прадстаўнік Брэсцкага філіяла;

• 2 месца — прадстаўнік МГТС;

• 3 месца — прадстаўнік Гомельскага філіяла.

Асабісты залік (грузавы транспарт):

• 1 месца — прадстаўнік філіяла МГТС;

• 2 месца — прадстаўнік Магілёўскага філіяла;

• 3 месца — прадстаўнік Брэсцкага філіяла.

Кіраўніцтва РУП «Белтэлекам» ад усёй душы віншуе пераможцаў і прызёраў конкурсу, а таксама дзякуе ўсім удзельнікам за годную барацьбу, волю да перамогі і вернасць сваёй справе. Жадаем прафесіяналам удачы і ўпэўненасці ў сваіх сілах — хай веды і вопыт і надалей прыводзяць да новых перамог!