25 студзеня 2024 года на базе ДУА «Віцебскі гарадскі цэнтр дадатковай адукацыі дзяцей і моладзі» адбылася гарадская інтэрактыўная гульня «Google у дапамогу». 10 каманд з устаноў агульнай сярэдняй і сярэдняй спецыяльнай адукацыі паўночнай сталіцы змагаліся за званне самай падкаванай каманды ў галіне бяспекі ў глабальнай сетцы Інтэрнэт. Асноўнай тэмай гульні стала абарона ад негатыўнага ўплыву дэструктыўных арганізацый і прафілактыка незаконнага абароту наркотыкаў.
Мерапрыемства прайшло пры падтрымцы: Віцебскага філіяла РУП "Белтэлекам", аддзела па адукацыі Віцебскага гарвыканкама, камісіі па справах непаўналетніх Віцебскага гарвыканкама, аддзялення па наркакантролі і супрацьдзеянні гандлю людзьмі АУС адміністрацыі Чыгуначнага раёна г.Віцебска. Прадстаўнікі ад кожнай структуры ўвайшлі ў склад журы і ацанілі каманды ў галіне прававой і інфармацыйнай бяспекі.
Звычайна, на мерапрыемствах, удзельнікаў просяць схаваць мабільныя тэлефоны, але ў гэты раз быў зусім іншы выпадак, усім хлопцам было настойліва рэкамендавана карыстацца ўсімі падручнымі гаджэтамі для збору самай дакладнай інфармацыі.
Большасць удзельнікаў каманд складалі навучэнцы, якія складаюцца на розных відах прафілактычнага ўліку, у сувязі з найбольшай актуальнасцю прафілактычнай работы для дадзенай катэгорыі.

Лепшымі сярод школ стала каманда "Дзясятачка" ДУА " Сярэдняй школы № 10 г.Віцебска імя А. К. Гараўца». Сярод устаноў сярэдняй спецыяльнай адукацыі перамог Віцебскі дзяржаўны тэхнічны каледж. Усе каманды былі ўзнагароджаны дыпломамі аддзела па адукацыі Віцебскага гарвыканкама і прызамі Віцебскага філіяла РУП «Белтэлекам».

Але самым галоўным вынікам гульні з'явілася тое, што кожнаму ўдзельніку мерапрыемства стала больш зразумела – Інтэрнэт для жыцця, а не жыццё для Інтэрнэту.