Яшчэ адным падарункам Мінскага філіяла «Белтэлекам» гораду Дзяржынску ў рамках акцыі «Свята нашага двара» стала адкрыццё сучаснага гульнявога комплексу «ЯСНА» па адрасе: Пратасава,19.

Афіцыйны сертыфікат на перадачу дзіцячага гульнявога комплексу быў уручаны генеральнаму дырэктару Дзяржынскага ЖКГ Івану Старавойтаву.

Кіраўнік камунальнай службы выказаў падзяку кампаніі, адзначыўшы, што новая пляцоўка стане любімым месцам для дзіцячых забаў і сямейных прагулак, а камунальная служба прыкладзе ўсе намаганні для яе захаванасці і ідэальнага стану.

У гонар адкрыцця кампанія зладзіла сапраўднае свята для юных жыхароў: аніматары ў выявах любімых мультгерояў правялі займальную інтэрактыўную праграму пад запальную музыку, а ў завяршэнне ўручылі дзецям памятныя сувеніры.

Дзеці з захапленнем сустрэлі новую пляцоўку! Гэта захапленне і радасныя ўсмешкі - самая каштоўная ўзнагарода для нас!

Няхай кожны дзень будзе напоўнены станоўчымі эмоцыямі, смехам і радасцю разам з «ЯСНА» ад «Белтэлекам»!