10 верасня ў галаўным падраздзяленні РУП «Белтэлекам» прайшоў адзіны дзень інфармавання на тэму «Дзень народнага адзінства як фактар нацыянальнага гонару». Да мерапрыемства ў фармаце відэа- і аўдыяканферэнцыі далучыліся супрацоўнікі ўсіх структурных падраздзяленняў кампаніі.

Сустрэча пачалася з дыялогавай пляцоўкі з удзелам беларускага палітычнага аглядальніка, члена камісіі па выпрацоўцы паправак да Канстытуцыі Рэспублікі Беларусь, дэпутата Палаты прадстаўнікоў Нацыянальнага сходу Рэспублікі Беларусь VIII склікання, а таксама дэлегата VII Усебеларускага народнага сходу Аляксандра Шпакоўскага. Ён нагадаў аб гістарычных каранях свята, хроніцы падзей і фундаментальнасці Дня народнага адзінства. Спікер падкрэсліў: «Згуртаванасць, адзінства і стабільнасць - ключавыя задачы сённяшняга дня».

Перад калектывам таксама выступіў протаіерэй Свята-Петра-Паўлаўскага сабора г. Мінска Юрый ЗАЛОСКА, які закрануў тэму моцнай сям’і і галоўных сямейных каштоўнасцей.

Фармат сустрэчы дазволіў супрацоўнікам прыняць актыўны ўдзел у абмеркаванні і задаць спікерам пытанні, якія цікавяць.