У сувязі з пачаткам вясновага будаўнічага сезона РУП «Белтэлекам» нагадвае падрадным арганізацыям і прыватным асобам пра важнасць выканання правіл аховы ліній сувязі. Актыўныя земляныя работы ў ахоўных зонах могуць прывесці да пашкоджання кабеляў, што пацягне за сабой сур'ёзныя наступствы для тысяч абанентаў.
Адзін пашкоджаны кабель здольны пакінуць без доступу да тэлефоннай сувязі, інтэрнэту і іншых тэлекамунікацыйных паслуг не толькі жылыя дамы, але і сацыяльныя аб'екты, бальніцы, школы і прадпрыемствы.
Каб пазбегнуць аварый, пры правядзенні работ у межах ахоўных зон ліній электрасувязі неабходна:
• атрымаць пісьмовы дазвол на права правядзення работ;
• выклікаць на месца правядзення работ прадстаўніка структурнага падраздзялення РУП «Белтэлекам»;
• правесці інструктаж з работнікамі, якія будуць выконваць земляныя работы;
• ажыццяўляць земляныя работы толькі ў прысутнасці прадстаўніка прадпрыемства.
Па ўсіх пытаннях атрымання пісьмовага дазволу і выкліку прадстаўніка падраздзялення электрасувязі звяртайцеся па тэлефоне 121.
Беражлівыя адносіны да інфраструктуры сувязі – залог стабільнай работы ўсіх сэрвісаў і бяспекі населеных пунктаў.