Напярэдадні абласнога свята працаўнікоў вёскі "Дажынкі - 2024 " Віцебскі філіял РУП "Белтэлекам" паднёс гарадскому пасёлку Бешанковічы выдатны падарунак-новы дзіцячы гульнявы комплекс "ЯСНА".

Гэта падзея стала сапраўдным святам для мясцовых жыхароў, асабліва для дзяцей, якія з нецярпеннем чакалі адкрыцця.
На афіцыйнай цырымоніі адкрыцця прысутнічалі прадстаўнікі ўлады, кіраўніцтва і адміністрацыя Бешанковіцкага УЭ, мясцовыя жыхары і вядома, дзеці, якія не маглі стрымаць свайго захаплення.

Як адзначыў дырэктар Віцебскага філіяла РУП "Белтэлекам" Дзмітрый Казак:
- Яркая дзіцячая гульнявая пляцоўка "ЯСНА" арганічна ўпісалася ў інфраструктуру гарадскога пасёлка. Дзмітрый Васільевіч падкрэсліў, што падобныя ініцыятывы спрыяюць стварэнню камфортнага гарадскога асяроддзя і ўмацаванню сямейных каштоўнасцяў.

І вось, стужачка перарэзана, апладысменты і радасныя крыкі дзятвы запоўнілі прастору, ствараючы атмасферу сапраўднага свята.
Спадзяемся, што новы гульнявы комплекс будзе радаваць дзяцей і іх бацькоў доўгія гады, становячыся месцам сустрэч і гульняў для жыхароў і гасцей Бешанковічаў.
"Белтэлекам" - з клопатам пра будучае пакаленне!