Рэспубліканскі злёт маладых спецыялістаў РУП «Белтэлекам» стартаваў сёння ў Мінску. Маштабнае мерапрыемства аб'яднала 120 чалавек з усіх філіялаў, якія зусім нядаўна дашлі працаваць на прадпрыемства і сталі часткай вялікага калектыва сувязістаў.

З прывітаннем да ўдзельнікаў звярнуўся генеральны дырэктар РУП «Белтэлекам» Юрый Петручэня. Юрый Мікалаевіч расказаў хлопцам пра гісторыю, дасягненні і перспектывы далейшага развіцця прадпрыемства.

У насычанай праграме злёту – самыя актуальныя пытанні маладзёжнай палітыкі. Удзельнікі даведаюцца аб працоўным заканадаўстве, сацыяльнай абароне і сацыяльных гарантыях, прадугледжаных у Калектыўным дагаворы, пазнаёмяцца з графікам спартыўных, творчых і пазнавальных мерапрыемстваў.

Вядучыя спецыялісты кампаніі раскажуць аб развіцці паслуг і сэрвісаў «Белтэлекама», прэзентуюць самыя запатрабаваныя лічбавыя рашэнні. Сёння ў актыве аператара – больш за 70 паслуг: ад тэлефона, тэлебачання і доступу ў Інтэрнэт да комплексных праектаў для карпаратыўных кліентаў. Прычым штогод кампанія прэзентуе новыя і мадэрнізуе існуючыя лінейкі. Вялікую цікавасць выклікаюць інавацыйныя праекты для «разумнага горада», у прыватнасці мабільны дадатак «Мой горад», які паспяхова працуе ў 12 населеных пунктах.

У рамках злёту адбудзецца шмат цікавых сустрэч з вядомымі ў краіне палітыкамі і сацыёлагамі. Будуць працаваць розныя пляцоўкі, накіраваныя на развіццё лідэрскіх якасцей і павышэнне ведаў у галіне сучасных тэхналогій.

У Год гістарычнай памяці асаблівае месца ў праграме займае наведванне гісторыка-інфармацыйнага цэнтра сувязі. Тут маладыя спецыялісты пазнаёмяцца з гісторыяй пошты, тэлеграфа, тэлефона, радыё, тэлебачання і мабільнай сувязі. Аб гераізме і мужнасці сувязістаў у гады Вялікай Айчыннай вайны раскажа Алея Герояў, якая займае цэнтральную экспазіцыю цэнтра.

Злёт маладых спецыялістаў – гэта магчымасць намеціць амбіцыйныя арыенціры, падзяліцца сваімі ідэямі і прапановамі, пацікавіцца вопытам калег.

Мерапрыемства працягнецца два дні. Больш фота і навін – у нашым тэлеграм-канале. Падпішыцеся, каб быць у курсе!