Штогод па ініцыятыве Міжнароднага саюза па барацьбе з ракам у трэці чацвер лістапада праводзіцца Дзень некурэння з мэтай заклікаць усіх, хто паліць, адмовіцца ад гэтай шкоднай звычкі. Да гэтай падзеі прымеркавана рэспубліканская інфармацыйна-адукацыйная акцыя, якая праходзіць з 17 па 24 лістапада і накіравана на прафілактыку тытунекурэння як фактара рызыкі развіцця анкалагічных захворванняў.

У рамках акцыі ажыццяўляецца інфармаванне насельніцтва аб негатыўным уздзеянні нікатыну, спосабах адмовы ад тытунёвай нікатыназмяшчальнай прадукцыі, а таксама аб наступствах, якія яны аказваюць на арганізм. Тытунёвы дым выклікае і абвастрае шматлікія хваробы, дзейнічаючы практычна на ўсе органы. А прадукты тытунёвага паходжання разам з іншымі канцэрагеннымі рэчывамі – галоўны чыннік узнікнення анкалагічных захворванняў. Акрамя высокай рызыкі ўзнікнення розных формаў злаякасных новаўтварэнняў, працяг курэння негатыўна адбіваецца на правядзенні спецыяльнага лячэння пры ўзнікненні гэтых захворванняў.

Устаноўлена, што ў пацыентаў, якія паляць, у параўнанні з тымі, хто не паліць, скарачаецца працягласць жыцця, узрастае рызыка рэцыдыву або ўзнікнення другой пухліны, зніжаецца эфектыўнасць лячэння, якасць жыцця. Спыненне курэння гарантуе зніжэнне захворвання.

Не існуе бяспечнай цыгарэты і бяспечнага ўзроўню курэння. Адзіным найбольш эфектыўным спосабам зніжэння небяспекі для здароўя застаецца спыненне курэння.

Дадатковыя інфармацыйна-адукацыйныя матэрыялы размешчаны на інтэрнет-сайце ДУ «Рэспубліканскі цэнтр гігіены, эпідэміялогіі і грамадскага здароўя» (rcheph.by).

​