З 11 па 14 кастрычніка 2022 г. у Мінску пройдзе XXVI Беларускі энергетычны і экалагічны форум. У гэты ж час адчыніць дзверы для наведвальнікаў міжнародная спецыялізаваная выстава «Энергетыка. Экалогія. Энергазберажэнне. Электра», на якой «Белтэлекам» прадэманструе сучасныя тэлекамунікацыйныя паслугі для бізнесу і насельніцтва.

Energy EXPO-2022 прадставіць найноўшыя дасягненні навукі, тэхнікі і тэхналогій у сферы энергетыкі, прамысловасці, экалогіі, энергазберажэння, электронікі. «Белтэлекам» прэзентуе на выставе ўласную экспазіцыю.

Сёння аператар прапануе дзясяткі сучасных тэлекамунікацыйных рашэнняў для дома і офіса – ад тэлефона, тэлебачання і доступу ў інтэрнэт да комплексных лічбавых праектаў.

Вялікім попытам у фізічных і юрыдычных асоб карыстаецца паслуга «Відэакантроль». Гэта зручны спосаб павышэння бяспекі і выдаленага кантролю за любымі аб'ектамі – жылымі дамамі або карпаратыўнай нерухомасцю. Акрамя кантролю за станам тэрыторый, устаноўка сістэмы відэаназірання з'яўляецца «прафілактыкай» супрацьпраўных дзеянняў.

Комплекснае рашэнне ўключае ў сябе набор інструментаў для стварэння сістэмы, якая лёгка маштабуецца з магчымасцю падлучэння опцыі відэааналітыкі, якая дазваляе аналізаваць дадзеныя з усталяваных камер. На сённяшні дзень паслуга прадастаўляецца пад ключ – ад стварэння праекта да поўнай тэхнічнай рэалізацыі і эксплуатацыі з інфармацыйнай падтрымкай карыстальніка.

Сярод найбольш запатрабаваных паслуг для карпаратыўных кліентаў па-ранейшаму застаюцца хуткасны доступ у Інтэрнэт, арганізацыя сетак Wi-Fi і лакальных сетак. У насельніцтва вялікім попытам карыстаецца тэхніка для дома, якую абаненты «Белтэлекама» могуць на выгадных умовах набыць у сэрвісных цэнтрах. Асартымент увесь час пашыраецца.

Аб гэтых і іншых паслугах раскажуць спецыялісты «Белтэлекама» на выставе Energy Expo-2022. Усе жадаючыя змогуць ацаніць інтэрфейс кіравання, пратэставаць дадатковыя опцыі і сэрвісы «Відэакантролю», а пры неабходнасці – аформіць падключэнне паслуг і атрымаць кансультацыю спецыялістаў па ўсіх пытаннях.

Выстава пройдзе ў футбольным манежы па адрасе: г. Мінск, пр-т Пераможцаў, 20/2. Будзем рады бачыць вас!

Усе фотарэпартажы з месца падзеяў – у нашым Тэлеграм-канале. Далучайцеся, каб быць у курсе!