«Белтэлекам» прапануе новы тарыфны план – «Відэакантроль дом лайт». Навінка прызначана для абанентаў-фізічных асоб, якія хочуць арганізаваць відэаманіторынг унутры жылога памяшкання або на тэрыторыі прыватнага дома.

«Відэакантроль дом лайт» уключае ўстаноўку двух камер з дазволам 2 Мпікс. Карыстальнік атрымлівае кругласутачны доступ да відэа з камер у рэжыме рэальнага часу або да запісаў з архіва, якія надзейна захоўваюцца ў дата-цэнтры «Белтэлекама» на працягу 15 сутак. Пры неабходнасці відэазапіс можна захаваць на лічбавых носьбітах абанента. Прагляд відэа даступны на смартфоне, планшэце, а таксама на камп'ютары праз web-партал карыстальніка https://myvideo.beltelecom.by/login.

Спецыялісты кампаніі правядуць абследаванне тэрыторыі прыватнага дома і прапануюць, дзе лепш устанавіць відэакамеры. Пасля ўзгаднення схемы іх размяшчэння будуць пракладзены ўсе неабходныя камунікацыі і ўстаноўлена абсталяванне для паслугі. У выпадку, калі ў жыхароў ужо ёсць уласная камера, але спатрэбіліся дадатковыя, усе прылады могуць быць аб'яднаны ў агульную сістэму відэакантролю з воблачным захоўваннем відэаінфармацыі.

Атрымаць падрабязную кансультацыю аб паслузе можна па бясплатным кругласутачным нумары 123 ці ў сэрвісных цэнтрах «Белтэлекама», пакінуць заяўку на падключэнне – на сайце beltelecom.by або ў дадатку «Мой Белтэлекам».

Паслуга прадастаўляецца пры наяўнасці тэхнічнай магчымасці.