3 ліпеня «Белтэлекам» дасць бясплатныя тэлефонныя размовы ветэранам Вялікай Айчыннай вайны

3 ліпеня, у Дзень Незалежнасці Рэспублікі Беларусь, «Белтэлекам» прадаставіць інвалідам і ўдзельнікам Вялікай Айчыннай вайны бясплатныя міжгароднія тэлефонныя размовы (званкі па Рэспубліцы Беларусь)*.

Бясплатныя міжгароднія тэлефонныя размовы прадастаўляюцца ў перыяд з 00.00 гадзін 03.07.2022 да 24.00 гадзін 03.07.2022 аўтаматычным спосабам або з дапамогай тэлефаніста з кватэрных тэлефонаў, абанентамі якіх з'яўляюцца наступныя фізічныя асобы:

  • Героі Савецкага Саюза;
  • поўныя кавалеры ордэна Славы;
  • інваліды Вялікай Айчыннай вайны;
  • удзельнікі Вялікай Айчыннай вайны;
  • асобы, якія прымалі ўдзел у складзе спецыяльных фарміраванняў у размініраванні тэрыторый і аб'ектаў пасля вызвалення ад нямецкай акупацыі ў 1943–1945 гадах;
  • асобы, узнагароджаныя ордэнамі і (або) медалямі СССР за самаадданую працу і бездакорную воінскую службу ў тыле ў гады Вялікай Айчыннай вайны;
  • асобы, якія працавалі на аб'ектах супрацьпаветранай абароны, мясцовай супрацьпаветранай абароны, на будаўніцтве абарончых збудаванняў, марскіх баз, аэрадромаў і іншых ваенных аб'ектаў у межах тылавых межаў дзеючых франтоў, на прыфрантавых участках чыгунак і аўтамабільных дарог;
  • члены экіпажаў суднаў транспартнага флоту, інтэрнаваныя ў пачатку Вялікай Айчыннай вайны ў партах іншых дзяржаў;
  • асобы, якія працавалі на прадпрыемствах, ва ўстановах і арганізацыях горада Ленінграда ў перыяд блакады з 8 верасня 1941 года па 27 студзеня 1944 года і ўзнагароджаны медалём «За абарону Ленінграда», і асобы, узнагароджаныя знакам «Жыхару блакаднага Ленінграда»;
  • інваліды з дзяцінства з прычыны ранення, кантузіі, калецтва, звязаных з баявымі дзеяннямі ў перыяд Вялікай Айчыннай вайны або з наступствамі ваенных дзеянняў, якія дасягнулі агульнаўстаноўленага пенсіённага ўзросту (мужчыны – 63 гады, жанчыны – 58 гадоў).

Каб ажыццявіць бясплатны званок, неабходна набраць нумар выкліканага абанента самастойна або замовіць міжгароднюю тэлефонную размову з кватэрнага тэлефона з дапамогай тэлефаніста па наступных нумарах:

  • для абанентаў г. Брэста і Брэсцкай вобласці – 8-18;
  • для абанентаў г. Віцебска і Віцебскай вобласці – 8-18;
  • для абанентаў г. Гомеля і Гомельскай вобласці – 8-13;
  • для абанентаў г. Гродна і Гродзенскай вобласці – 8-13;
  • для абанентаў г. Мінска і Мінскай вобласці – 8-13, 8-18;
  • для абанентаў г. Магілёва і Магілёўскай вобласці – 8-18.

Даведку па прадастаўленні бясплатных міжгародніх тэлефонных размоваў можна атрымаць па тэлефоне адзінай даведачна-інфармацыйнай службы 153.

*Умовы акцыі не распаўсюджваюцца на размовы з абанентамі сотавых рухомых сетак, на доступ у сетку Інтэрнэт і карыстанне платнымі даведачна-інфармацыйнымі службамі, арганізаванымі па міжгароднім прынцыпе.


Source URL: https://beltelecom.by/news/main/3-lipenya-beltelekam-dasc-byasplatnyya-telefonnyya-razmovy-veteranam-vyalikay-aychynnay