Браслаў - пяты горад у Віцебскай вобласці, які ўключаны ў сумесны праект Міністэрства сувязі і інфарматызацыі і РУП «Белтэлекам» «Мой горад».

«Мой горад» - гэта мабільнае прыкладанне, якое аб'ядноўвае ўсе асноўныя сэрвісы для жыхароў і гасцей гарадоў. Рабочая сустрэча па ўкараненні праекта прайшла ў Браслаўскім раённым выканаўчым камітэце. Прадстаўнікі Віцебскага філіяла РУП «Белтэлекам» прэзентавалі платформу адміністрацыі горада, пазнаёмілі з яе функцыяналам і распавялі аб паспяховым запуску праекта ў Полацку.

Начальнік групы па працы з карпаратыўнымі кліентамі Віцебскага філіяла РУП «Белтэлекам» Аляксандр Славак адзначыў, што прыкладанне вельмі добра зарэкамендавала сябе:

- Тысячы палачан ужо ўсталявалі яго на свае мабільныя прылады і пераканаліся, што гэта зручна, хутка і лёгка. Анлайн-запіс, анлайн-дастаўка, анлайн-аплата і многія іншыя опцыі даступныя літаральна ў адзін клік. Дадатак асабліва актуальны для такіх турыстычных гарадоў, як Полацк і Браслаў, бо з яго дапамогай можна замовіць квіткі ў музей або забраніраваць нумар у гатэлі.

Карыстальнікі ацанілі зручны і зразумелы інтэрфейс прыкладання. Уся інфармацыя тут структураваная па відах дзейнасці. Можна выбраць раздзел, дзе прадстаўлены ўсе арганізацыі рэгіёна, зарэгістраваныя ў дадатку, або модуль з найбольш папулярнымі сферамі - адпачынак і турызм, паслугі, здароўе і спорт, адукацыя. Усяго ў дадатку 40 модуляў.

Гараджане ўсё часцей выкарыстоўваюць рэсурс, каб запісацца на прыём у РВК, дзяржустанову або школу, даведацца рэжым працы магазінаў, кафэ і рэстаранаў, выклікаць аварыйную брыгаду, запланаваць візіт у салон прыгажосці ці на СТА.

Ініцыятыва атрымала развіццё ў рамках рэалізацыі Дзяржаўнай праграмы «Лічбавае развіццё Беларусі». Пілотны праект рэалізаваны ў Полацку. На чарзе - Глыбокае, Пінск, Орша, Браслаў, Баранавічы, Лепель, Нароўля.