Гродзенскі філіял «Белтэлекама» пабудаваў сетку Wi-Fi у санаторыі «Жамчужына». Цяпер да паслуг гасцей здраўніцы не толькі камфортны адпачынак, але і якасны бесправадны доступ у Інтэрнэт.

Спецыялісты філіяла рэалізавалі тэлекамунікацыйны праект пад ключ. Дзякуючы ўстаноўцы 45 кропак Wi-Fi адпачывальнікі змогуць атрымаць доступ у Інтэрнэт на ўсёй тэрыторыі санаторыя. Індывідуальная назва сеткі санаторыя - «jemgrodno». Менавіта яе неабходна выбраць карыстальніку ў спісе даступных рэсурсаў, каб падключыцца да паслугі. З бесправадной сеткай ад «Белтэлекама» госці «Жамчужыны» змогуць абменьвацца навінамі, вырашаць працоўныя пытанні і заўсёды заставацца на сувязі.

Арганізацыя сеткі Wi-Fi - адна з самых папулярных прапаноў у сферы паслуг. Бесправадныя сеткі выкарыстоўваюць банкі, гасцініцы, спартыўныя аб'екты, гандлёвыя цэнтры, медыцынскія ўстановы, базы адпачынку і інш. «Белтэлекам» гатовы рэалізаваць індывідуальны праект з улікам усіх пажаданняў заказчыка - ад колькасці кропак доступу да назвы сеткі SSID. Акрамя гэтага, кампанія можа цалкам забяспечыць офіс або вытворчасць неабходнымі паслугамі сувязі.

Больш падрабязна пазнаёміцца з сучаснымі тэлекамунікацыйнымі рашэннямі для бізнесу можна тут.