7 мая адзначаецца прафесійнае свята - Дзень работнікаў радыё, тэлебачання і сувязі. А 9 мая краіна адзначае Дзень Вялікай Перамогі.

Напярэдадні гэтых святаў па шматгадовай традыцыі кіраўнікі Міністэрства сувязі і інфарматызацыі і арганізацый тэлекамунікацыйнай сферы аддалі даніну памяці ваенным сувязістам, усклаўшы кветкі да мемарыяльнага знака воінам-сувязістам.

Дзень Перамогі - галоўнае свята для многіх пакаленняў. Самыя шчырыя словы віншавання прагучалі ў гэты дзень у адрас ветэранаў. Вялікі подзвіг, здзейснены імі ў імя міру і дабра, застаецца ў нашых сэрцах. Схіляемся перад мужнасцю і адвагай пакалення пераможцаў. Дзякуй ім за тое, што далі нам магчымасць жыць і працаваць пад мірным небам. Дарагія ветэраны, моцнага здароўя, шчасця і даўгалецця вам!

Таксама віншуем калег і партнёраў з прафесійным святам. Жадаем крэатыўных ідэй і новых здзяйсненняў, цікавых праектаў і іх паспяховай рэалізацыі, росквіту нашай агульнай справе. Стаўце перад сабой высокія мэты і ўпарта імкніцеся да запаветнай мары!