Паслугі аператарам сувязі з'яўляюцца значным сегментам дзейнасці Белтэлекам. Наяўнасць сеткі перадачы даных рэспубліканскага маштабу дазваляе Белтэлекам аказваць аператарам электрасувязі паслугі на тэрыторыі ўсей краіны.
У прыватнасці, для  забеспячэння аператараў электрасувязі паслугамі доступу ў сетку інтэрнэт Белтэлекам прапануе "Паслугу па прадастаўленні аператарам электрасувязі доступу да міжнародных сетак перадачы даных, у тым ліку да сегмента Інтэрнэт". Паслуга аказваецца на хуткасці ад 1 Мбіт/с і больш (з крокам кратнасці 1 Мбіт/с).
Паколькі да паслуг аператарскага класа прад'яўляюцца самыя высокія патрабаванні, у Белтэлекам ажыццяўляецца кругласутачны маніторынг абсталявання, аператарам прадастаўляецца аператыўная інфармацыя аб стане сеткі Інтэрнэт і сеткі Белтэлекам, дзейнічае служба падтрымкі.
Для падключэння абсталявання аператару прадастаўляецца адзін або некалькі партоў (інтэрфейс падключэння Ethernet) на абсталяванні вузлоў перадачы даных РУП «Белтэлекам» у г. Мінску, а таксама ў абласных і раенных цэнтрах пры наяўнасці тэхнічнай магчымасці. Для арганізацыі падключэння ў рамках паслугі на кожны порт выдзяляюцца тэхналагічныя (без спагнання аплаты) IP-адрасы:
 - пры падключэнні з адрасацыяй па IPv4 – 4 IP-адрасы;
 - пры падключэнні з адрасацыяй па IPv6 – масіў адрасоў /64 (маска падсеткі).

Дадаткова ў рамках паслугі па прадастаўленні аператарам электрасувязі доступу да міжнародных сетак перадачы даных, у тым ліку да сегмента Інтэрнэт заказчыку можа быць прадастаўлена паслуга па абмежаванні доступу да рэсурсаў сеткі Інтэрнэт, уключаных у спіс абмежаванага доступу, і якія змяшчаюць інфармацыю, забароненую або абмежаваную да распаўсюджвання ў адпаведнасці з заканадаўчымі актамі Рэспублікі Беларусь.

Таксама дадаткова ў рамках паслугі заказчыку можа быць прадастаўлены сэрвіс «Абарона ад DDoS-атак». Гэты сэрвіс дазваляе ажыццяўляць маніторынг трафіка і яго абарону ад розных тыпаў размеркаваных атак на адмову ў абслугоўванні сеткавых рэсурсаў і http-сервераў. У рамках аказання сэрвісу заказчыку прадастаўляецца web-інтэрфейс для маніторынгу і кіравання фільтраваннем трафіка». Сэрвіс прадастаўляецца пры ўмове наяўнасці ў заказчыка сумарнай прапускной здольнасці падключэнняў 100 Мбіт/с і больш.

У рамках паслугі ўсім абанентам прадастаўляецца сэрвіс «Глыбокі аналіз сеткавых пакетаў» (Deep Packet Inspection). У рамках  дадзенага сэрвісу ў рэжыме рэальнага часу забяспечваецца:

• поўны аналіз змесціва пакетаў на узроўнях сеткавай мадэлі OSI ад 2-га да 7-га ўзроўню па пратаколах (уключаючы службовыя), дадатках, сэрвісах;
• класіфікацыя ідэнтыфікаваных пратаколаў і дадаткаў;
• выяўленне трафіку віртуальных прыватных сетак (VPN);
• падтрымка для кіравання трафікам інтэрнэт-пратаколаў версій 4 і 6;
• поўная падтрымка кіравання трафікам (прыярэтызацыю, маркіроўку, абмежаванне хуткасці (у тым ліку іерархічнае), блакаванне, змяненне параметраў якасці, лагаванне, запіс дампа) па пратаколах, дадатках, сэрвісах, уключаючы VoIP-дадаткі і сэрвісы;
• кантроль доступу да "чорных" і "белых" спісаў IP-адрасоў і URL з перанакіраваннем на пэўны рэсурс (для http).

• Прадастаўленне ў карыстанне абаненцкай лініі