16 жніўня Міністр сувязі і інфарматызацыі Канстанцін Шульган прыняў удзел у пасяджэнні Савета Мінскага філіяла РУП «Белтэлекам», на якім разглядаліся вынікі работы за першае паўгоддзе 2022 года. Мерапрыемства прайшло ў Мінскім раённым цэху электрасувязі ў пасёлку Калодзішчы.

У пасяджэнні Савета таксама прыняў удзел першы намеснік генеральнага дырэктара РУП «Белтэлекам» Генадзь Мельнікаў.

Дырэктар Мінскага філіяла Уладзімір Шынкарэвіч прадставіў справаздачу аб выніках працы. Адзначана, што па выніках шасці месяцаў Мінскі філіял займае лідзіруючую пазіцыю сярод іншых філіялаў прадпрыемства. На пасяджэнні таксама разгледжаны эканамічныя і камерцыйныя аспекты дзейнасці, прааналізаваны рэзервы для выканання ўсіх пастаўленых задач.

Па выніках пасяджэння Кіраўнік Мінсувязі даручыў прыняць дадатковыя меры па мабілізацыі ўсіх рэзерваў і задзейнічанні ў поўным аб'ёме эканамічнага патэнцыялу філіяла для забеспячэння па выніках работы за 9 месяцаў бягучага года і за 2022 год збалансаваных паказчыкаў сацыяльна-эканамічнага развіцця на ўзроўні не ніжэй за адпаведны перыяд 2021 года.

Канстанцін Шульган таксама наведаў структурныя падраздзяленні прадпрыемства і паразмаўляў з супрацоўнікамі.