У рамках праграмы "Разумныя гарады Беларусі" прадпрыемствам рэалізаваны праект па стварэнню платформы "Мой горад". 17 сакавіка споўніўся 1 год, як запушчана мабільная праграма "Мой горад" у г. Магілёве. Магілёў стаў першым абласным горадам у рэспубліцы і другім у Магілёўскай вобласці, у якім запрацаваў дадатак. Нагадаем, у 2022 годзе - дадатак стаў даступным жыхарам г.Бабруйска.
За гэты час у Магілёве дадатак скачала больш за 6 тысяч карыстальнікаў, зафіксавана 4 тысячы 300 заказаў і пераходаў па спасылках. Найбольшай папулярнасцю карыстаецца катэгорыя "Адміністрацыя горада", на другім месцы - "Школы, гімназіі", "Кафэ і рэстараны". Цяпер вядзецца актыўная работа па запуску дадатку ў іншых гарадах вобласці.
У цэлым праект стаў карысным інструментам для магіляўчан і гасцей горада. Ён аблегчыў шматлікія паўсядзённыя задачы і спрасціў доступ да розных сэрвісаў. Запрашаем арганізацыі горада актыўна ўдзельнічаць у развіцці дадатку, рэкламаваць сваю прадукцыю і паслугі, а гараджан і гасцей горада - актыўна карыстацца даступнымі сэрвісамі. Дадатак "Мой горад" даступна для запампоўкі ў AppStore і Google Play.
