Сёння першы намеснік Міністра сувязі і інфарматызацыі Павел Ткач здзейсніў працоўны візіт у г. Шклоў Магілёўскай вобласці.

Павел Мікалаевіч удзельнічаў у працоўным паседжанні ў Шклоўскім раённым выканаўчым камітэце. Наступным пунктам праграмы рабочага візіту стала наведванне Аддзялення паштовай сувязі ў г. Шклове і Сэрвіснага цэнтра "Белтэлекам". Павел Мікалаевіч азнаёміўся з работай спецыялістаў, адзначыў важнасць аказання якасных паслуг сувязі насельніцтву.

Далей першы намеснік міністра правёў прыём грамадзян і юрыдычных асоб з адначасовым падключэннем "прамой тэлефоннай лініі" ў Шклоўскім ЗУЭС. На заканчэнне Павел Ткач выказаў падзяку работнікам сферы сувязі Шклоўскага раёна за праведзеную работу па развіццю паслуг паштовай і электрасувязі і пажадаў поспехаў у далейшым развіцці.