Прадстаўніцы Беларускага саюза жанчын ад Віцебскага філіяла РУП" Белтэлекам "сумесна з прадстаўнікамі іншых арганізацый горада напярэдадні Дня ведаў у рамках акцыі " Збяром дзіця ў школу разам " павіншавалі выхаванцаў дзіцячага дома горада Віцебска з пачаткам навучальнага года.

З рук начальніка Галоўнага ўпраўлення ідэалагічнай работы і па справах моладзі аблвыканкама, старшыні абласной арганізацыі ГА "БСЖ" Марыны Навіцкай установа атрымала грашовы сертыфікат і пажаданні школьнікам поспехаў у вучобе.

Было шмат падарункаў і цёплых слоў дзецям.
Такія мерапрыемствы асабліва важныя дзецям, яны робяць іх больш шчаслівымі, бо гэта абмен самым каштоўным, што ёсць у свеце - увагай і любоўю.