Тэлеканал «ЯСНАе TV» стаў эксклюзіўным медыяпартнёрам турніраў «МЭТА'20» Беларускай федэрацыі кіберспорту па трох асноўных дысцыплінах - Dota 2, CS: GO і FIFA.
- Кіберспорт - адносна маладая, але вельмі дынамічная сфера. Цікавасць да яе ва ўсім свеце імкліва расце. Аналагічная тэндэнцыя і ў Беларусі, - кажа намеснік генеральнага дырэктара РУП "Белтэлекам" па камерцыйных пытаннях Сяргей Туромша. - Упэўнены, што паспяховае супрацоўніцтва з Беларускай федэрацыяй кіберспорту дасць магчымасць не толькі ствараць унікальны кантэнт для «ЯСНАе TV», але і прыцягне новых гледачоў з ліку моладзі.
16 лютага тэлеканал «ЯСНАе TV» у прамым эфіры пакажа LAN-фінал кіберспартыўнага турніру «МЭТА'20» па Dota 2. Назіраць за гульнёй можна таксама на сайце http://tv.yasna.by/, дзе будзе даступная онлайн-трансляцыя.
- Мы бачым, што кіберспартыўныя трансляцыі ўпэўнена заваёўваюць аўдыторыю, - кажа галоўны рэдактар тэлеканала «ЯСНАе TV» Марыя Арабчык. - За віртуальнымі бітвамі сочаць не толькі інтэрнэт-карыстальнікі, але і тэлегледачы. Эмоцыі, рызыка і адрэналін тут такія ж, як і ў традыцыйных відах спорту.
Канал «ЯСНАе TV» двойчы паказваў турніры «мэтал» па CS: GO, а цяпер робіць падарунак дотэрам. Восем гадзін у прамым эфіры - самыя яркія эмоцыі, прафесійныя каментары і кадры з закулісся.
Пачатак трансляцыі - 13.40.
