Новы сэрвісны цэнтр, размешчаны ў г. Быхаве па вуліцы Савецкая, 5, прапануе палепшаны сэрвіс і камфортныя ўмовы для ўсіх наведвальнікаў.
Пасля мадэрнізацыі кліенцкая зала стала больш прасторнай і функцыянальнай. У сучасным памяшканні арганізаваны два працоўныя месцы для спецыялістаў, аформлена зручная вітрына, дзе можна пазнаёміцца з шырокім асартыментам тавараў, даступным абанентам кампаніі ў растэрміноўку. Атрымаць кансультацыю і падключыць паслугі электрасувязі тут могуць і фізічныя асобы, і карпаратыўныя кліенты.
Трэба адзначыць, што мадэрнізацыя сэрвіснага цэнтра праводзілася з улікам стварэння безбар'ернага асяроддзя ў рамках праграмы "Даступнае асяроддзе жыццядзейнасці інвалідаў і фізічна аслабленых асоб". Аб'ект аснашчаны спецыяльным абсталяваннем, уключаючы інфарматары і табліцы Брайля, каб кожны чалавек мог адчуваць сябе камфортна і ўпэўнена. Цяпер усе зоны сэрвіснага цэнтра зручныя і даступныя, а спецыялісты гарантуюць наведвальнікам індывідуальны падыход і кваліфікаваную кансультацыю з улікам іх запытаў і патрэбнасцей.
У новым сэрвісным цэнтры можна падключыць розныя паслугі электрасувязі - ад стацыянарнага тэлефона і тэлебачання ZALA да высакахуткаснага інтэрнэту. Асобай папулярнасцю ў Быхаўскім раёне карыстаюцца пакеты паслуг «ЯСНА» і сэрвіс «Відэакантроль». Акрамя таго, тутака ж абаненты кампаніі могуць набыць тавары ў растэрміноўку да 24 месяцаў. - У Год якасці абнаўленне сэрвіснага цэнтра вельмі актуальна. Спадзяемся, гэта паслужыць добрай нагодай, каб да нас часцей звярталіся кліенты і заўсёды заставаліся задаволены абслугоўваннем і высокай якасцю паслуг, - адзначыў Аляксандр Серакураў.
