Напярэдадні свята, Дня горада Гомеля і 882-годдзя з даты яго заснавання, была завершана рэканструкцыя тэрыторыі, прылеглай да адміністрацыйнага будынка Гомельскага філіяла РУП "Белтэлекам".
У рамках рамонтных работ і добраўпарадкавання былі арганізаваны клумбы з дрэвамі, хмызнякамі і кветкамі.
Устаноўлены лавачкі, асвятленне і агароджы.
У цэнтральнай частцы кампазіцыі ўсталяваны стылізаваны люстраны зямны шар і надпіс: "Белтэлекам - на сувязі са светам".
Абноўленая тэрыторыя адразу палюбілася гамяльчанам і стала ўлюбёным месцам адпачынку.
А кампазіцыя "Белтэлекам" - папулярнае месца для фатаграфій жыхароў і гасцей горада.
