4-6 кастрычніка на спартыўных пляцоўках Ратамкі адбылася спартакіяда кіруючых работнікаў РУП "Белтэлекам".
12 каманд змагаліся за званне лепшай у спаборніцтвах па валейболе, дартсе, настольным тэнісе, петанку, стральбе з пнеўматычнай вінтоўкі, пераадоленні вяровачнага гарадка і камбінаванай эстафеце. У пэўны момант здалося, што фартуна пакінула берасцейцаў - практычна ва ўсіх відах яны спыняліся за крок ад пастамента - чацвёртыя.
І ўсё ж каманда моцных духам паказала настойлівасць у дасягненні мэты, заваяваўшы 2 месца ў камбінаванай эстафеце, 2 месца ў асабістым заліку па дартсе заняў намеснік дырэктара па тэхнічных пытаннях Генадзь Говін, і ў выніку каманда паднялася на пераможнае 3 месца!
Бронзавыя ўзнагароды спартакіяды заваявалі:
дырэктар Брэсцкага філіяла Аляксандр Кенда;
намеснік дырэктара па тэхнічных пытаннях Генадзь Говін;
намеснік дырэктара па ідэалагічнай рабоце і пытаннях будаўніцтва Максім Дземідзюк;
старшыня першаснай прафсаюзнай арганізацыі Ганна Лукашэвіч;
начальнік службы бухгалтарскага ўліку і справаздачнасці Руслана Рудая;
начальнік службы электрасувязі Сяргей Сахарчук.
Віншуем з паспяховым выступленнем! Жадаем новых спартыўных дасягненняў і перамог!
